Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Mujeeb ParwaazDil muhabbat ki raajdhani hai.
#1
meri ek purani ghazal ke chand naye ashaar pesh kar raha hun.

Dil pe moula ki mherbani hai
Dil muhabbat ki raajdhani hai

Khaab hum dono mil ke dekhenge
Jab talak apni zindegani hai

Tumse milte hi bhool jata hun
Apne gham ki jo bhi kahani hai

Kal jo hoga oh dekha  jayega
Zindegi aaj to suhani hai

Chod den uske dar se jeena kya
Mout ayegi oh to aani hai

Likh do ek aur chitthi jaldi se
Jo mere paas hai purani hai

Saath mera sada nibhaoge
Meri aisi hi khushgumani hai

Us se bhi gehri hai meri chahat
Jitna sagar men gehra pani hai

Har oh tohfa sambhaal ke rakhna
Jo mere pyar ki nishaani hai

Aur Parwaaz likhte jao tum
Dunya ghazlon ki hi diwani hai
[-] The following 1 user says Thank You to Mujeeb Parwaaz for this post:
  • zaara
Reply
#2
Wah bohat khoob Mujeeb sahab

Bohat hi sada aur dilkash ghazal

Dheron daad
~~~~~~~~~~~~~~~~~

Aap Ki Dost

Zaara


Smile


Reply
#3
bhut khoob mujeeb Parwaz sahab daad paish e khidmat hai quboool farmaaiye


aslam
Zindagi ke haseen lamhe ka
Khoobsurat sa intekhaab ho tum
(aslam noor aslam)
Reply


Forum Jump:


Users browsing this thread: 1 Guest(s)