Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Mujeeb ParwaazDo hanso ka joda salamat bhi hai
#1
<span id="sceditor-start-marker" class="sceditor-selection sceditor-ignore" style="display: none; line-height: 0;"> </span><span id="sceditor-end-marker" class="sceditor-selection sceditor-ignore" style="display: none; line-height: 0;"> </span>

Eh ek taweel Ghazal hai..jitne ashaar utne khayalaat.....jo sher pasand aye batayiye zaroor...jo na pasand aye oh bhi batayiye <img src="https://aashnai.com/images/smilies/animated/smile.gif" data-sceditor-emoticon="Smile" alt="Smile" title="Smile">

Do hanso ka joda salamat bhi hai
Ke donon ke dil men muhabbat bhi hai

Shararat hai us men latafat bhi hai
Nazakat hai us me nafasat bhi hai

Bohut makhmali uski aawaaz hai
ZubaN men ghazab ki salasat bhi hai

Munasib nahin tumse khidmat bhi lun
Nahin chahtii kuch tabiyat bhi hai

Nahin bhool paunga tumko kabhi
Hai sachchai is men haqiqat bhi hai

Chalenge qadam mere dar tak tere
Eh mana ke raste men diqqat bhi hai

Agar karte ho baat khul ke karo
Abhi to mere paas fursat bhi hai

Kisi ko pareshan karta nahin
Na aisi koi meri aadat bhi hai

Farishta nahin main bhi insaan hun
Hai uljhan bhi kamon men ghaflat bhi hai

Sitara abhi mera gardish men hai
Abhi mere sar par musibat bhi hai

Mujhe pyar ke saath bhi do dua
Dua men fazilat hai taqat bhi hai

Teri jaan pehchan kafi nahin
Teri dosti ki zaroorat bhi hai

Meri naazni meri dunya hai tu
Teri meri mazboot sanggat bhi hai

Na samjho nawazish ko sazish kabhi
Hamari nawazish men chahat bhi hai

Lagan se karo kaam jo bhi karo
Lagan kaam men hai to lazzat bhi hai

Kamata hai oh rozi roti halal
Hai izzat kamai men barkat bhi hai

Kahona sanam tumko kya chahiye
ehan coffee hai, lassi, sharbat bhi hai

Hai eh baat parwaaz dunya men aam
Ke apnon men shikwa shikayat bhi hai



Mujeeb Parwaz
Reply


Forum Jump:


Users browsing this thread: 1 Guest(s)