Single sher

[Mujahid Ali]

Ek roz ke liye hi sahi merey dil ka makeen ban ja
Parey jidhar merey qadam tu voh zameen ban ja

[zaara]

Khushboo teri naseem e sehar jo na laaye to
Hojaati hain udaas ye kalyaaN kabhi kabhi

[Mujahid Ali]

Pilaadey apney haatho se mai aye saaqi
Ye zehar apney haatho se peeya na jaye

[Mujahid Ali]

Na rakh tamanna ko mehdood nasheyman tak 
Akhgar-e-tajalli jala sakti hai tera aashiyaan bhi

[kwahish]

Iss Chhoti si duniyaa ke asbaab kitne haiN
Dil e nadaN tu kitna hai tere khaab kitne haiN

[Mujahid Ali]

Lekey tera naam aye dilbar hua shehar mai badnaam 
Meri khata kya thi maine toh kiya farogh-e-paighaam

[Mujahid Ali]

Itna bhi mujh par nawaazish na kiya karo
Ke zindagi tere ehsaan ka mohtaaj hojaye

[kwahish]

Meri ummid ka suraj duba nahi abhi shaam to hone do
MaiN khud hi laut jauNga mujhe naakam to hone do

[kwahish]

Kitni aasaani se kah diya usne ke tum koun ho
Aur maiN khud ke bare meiN bata bhi naa saka

[Mujahid Ali]

Aashna hai voh hamarey ahvaal-e-dil se
Phir kyu pesh aatey voh ghairo ki tarah

[Mujahid Ali]

Zindagi toh kuch nahi bas ek khel hai 
Milta nahi kuch yaha mehnat ke bagair

[zaara]

Yeh khamoshiyaN humse kuch keh rahi haiN 
Sunati hain yeh raaz-e-dil baari - baari

Zainy

[Mujahid Ali]

Kya  mila  tujhe  ujaar  ke  mera  aashiyaana  aye  kafir 
Tujh se mohabbat ki hai tujhe apna khuda nahi maana

[Mujahid Ali]

Bhari mehfil mai jab se kiya hai aitraaf- e -mohabbat
Ke log dekhne lage hai nazar-e-gumaan se ab mujhe

[zaara]

Waaah bohat khoob

[zaara]

Udasi hai ghunchoN pe murjhaye patte
Yeh kaisee ajab fasl.e gul hai Khudara ?

[Mujahid Ali]

Karwaan-e-hujoom ley aayi ghair ke darmiyaan mujh ko 
Samajh aata nahi ehel- e -shehar ka ab zubaan mujh ko

[zaara]

Waaaah..bohat khoob

[Mujahid Ali]

Yaqeen toh kar mujh par tujhe mayoos na honey denge 
Hum  ajnabi  hi  sahi  tujhe  mehsoos  na  honey  denge

[Mujahid Ali]

Barey mushkil se ye dard- e -dil ko pinhaan kiya hai mainey
Mushkilo ke ba-wajood bhi zabt-e-fughaan kiya hai mainey